22-noyabr kuni poytaxtimizning Amir Temur xiyobonida Milliy gvardiya boshchiligida Toshkent shahri va viloyatidagi Chavandozlar maktablari hamda boshqa kuch tuzilmalarining otliq bo‘linmalari ishtirokida katta “Otliq paradi” tashkil etildi.
Ushbu tadbir O‘zbekiston Respublikasi Davlat bayrog‘i qabul qilinganligining 34 yilligi munosabati bilan “Bir Vatan, bir el, bir bayroq” shiori ostida o‘tkazildi. Parada davomida harbiy orkestr sadolari ostida yurib o‘tgan otliq bo‘linmalar poytaxtimiz aholisi va tadbirga tashrif buyurgan mehmonlarda katta taassurot qoldirdi.
Muhim sanalar va bayramona tadbirlar oldidan muntazam ravishda o‘tkazilib kelayotgan ushbu an’anaviy paradalar mamlakatimizda milliy qadriyatlar, birlik va g‘ururni namoyon etadi. Tadbir davomida ishtirokchilar zamonaviy va an’anaviy harbiy uslublarni uyg‘unlashtirgan holda tomoshabinlarga o‘z mahoratlarini namoyish etishdi.
Parada nafaqat harbiy texnika va otliq bo‘linmalarni, balki yosh avlod – chavandozlar maktablari talabalari ham ishtirok etib, ular milliy gvardiya va kuch tuzilmalarining faoliyati bilan yaqindan tanishish imkoniyatiga ega bo‘lishdi.
📥📥📥📥📥📥📥📥📥📥📥📥
#XalqaroMusobaqa #showjumpersofinstagram #parad #uzxabarlar #uznews ✨📈
